301119 - 40gi Fäscht im Schlüssel-Saal

Zu miim Fäscht am Samschtig 30.11.19 sind iär alli härzlich iiglade.

Miär startid ab dr 5ä bis am 6i midäm Apéro.

Nachher gids epis Znacht, bevor de am Abig am 9i nu wiitäri Gäst drzuächemid
fir biz Party im Schlüssel-Saal.

Fir Muisig sorgt dä DJ Michi Schwab & am z'Trinkä sett's nid fählä.

Wer nimmä uf d'Strass wett, darf sehr gern bi iis im Hotel schlafe. Fir 25.- Franke gid's äs Bett (je nach Wunsch & Platz im Einzel- bis Vierbettzimmer). Miis Fäscht isch fir diä "grossä" Gäst dänkt (äs sell aber nid am Babysitter scheitere).

Bis glyy, miär fräiid iis scho ussinnig!

Kari mit Kathrin & Jorit

Gschänkli?

Natiirlich sind iär härzlich willkommä mit läärä Händ (ich bringä ja amigs ai niid mit).

Wenn iär's aber nid chend lasii, de hani ä Idee, woni scho länger dervo redä.

Grossi Sportahläss begeisterid mich scho lang und einisch z'Dortmund ä BVB Matsch gu luägä, stahd uf miinärä "das-machi-einisch-Lischtä". Eifach zum einisch diä unglaiblich Stimmig live z'gseh.

Also, am meischtä Fräid hani, wenn iär grad mitchemid (Idee: 1 Match, 2 Nächt, 3 Biär, ...
Termin folgt fir diä Interessiärtä - SMS a 079 944 45 72 längt).

Oder: dr Hammär wär, wenn epär seid: "ich organisiärä das grad".

Oder: wer liäbär ä Bazä id Reisekassä gid (und dervir ä Poschtchartä uberchund) darf das hiä machä:

Raiffeisen Obwalden, IBAN: CH25 8080 8008 1279 4354 6, Karl Langensand, 6055 Alpnach Dorf