301119 - 40gi Fäscht im Schlüssel-Saal

Zu miim Fäscht am Samschtig 30.11.19 sind alli Frindä, Vereinskollegä & Stammgäst härzlich iiglade.

Abäm Abig am 9i gids biz Party im Schlüssel-Saal.

Fir Muisig sorgt dä DJ Michi Schwab & am z'Trinkä sett's nid fählä.

Bitte unnä churz aahmäldä, de chemmär gnuäg Bier chalt stellä...

Wer nimmä uf d'Strass wett, darf sehr gern bi iis im Hotel schlafe. Fir 25.- Franke gid's äs Bett (je nach Wunsch & Platz im Einzel- bis Vierbettzimmer).

Bis glyy, miär fräiid iis scho ussinnig!

Kari mit Familiä

Gschänkli?

Natiirlich sind iär härzlich willkommä mit läärä Händ (ich bringä ja amigs ai niid mit).

Wenn iär's aber nid chend lasii, de hani ä Idee, woni scho länger dervo redä.

Grossi Sportahläss begeisterid mich scho lang und einisch z'Dortmund ä BVB Matsch gu luägä, stahd uf miinärä
"das-machi-einisch-Lischtä". Eifach zum einisch diä unglaiblich Stimmig live z'gseh.

Also, am meischtä Fräid hani, wenn iär grad mitchemid (Idee: 1 Match, 2 Nächt, 3 Biär, ...
Termin folgt fir diä Interessiärtä - SMS a 079 944 45 72 längt).

Oder: dr Hammär wär, wenn epär seid: "ich organisiärä das grad".

Oder: wer liäbär ä Bazä id Reisekassä gid, cha de adä Party epis is Kässeli ghiiä.